關之琳生日不提婚事
關之琳前晚以Deep V性感裝扮出席《善學彩虹弱視工程》慈善晚宴，同場有寇鴻萍和女兒唐貝詩、o靚模鍾采羲等。早前之之即學即畫以一小時畫了一幅以花為主題的畫，於晚宴中作慈善拍賣，之之自言心目中冇底價，希望有善心人買下作品：「畫畫幾好，但好睇天分，可以抒發情感好似唱歌咁。（搞畫展？）希望有呢個機會但都好遙遠。有兩個老師教我，畫咩睇心情，多數畫抽象畫。但我copy幾叻，創作力就冇乜。」
之之昨天生日，問及生日願望只笑而不語，是否想結婚？她即說：「我希望世界和平。（感情生活點？）OK啦，多謝！」她強調現時沒有戲癮，要睇劇本及角色可有發揮，跟誰合作就冇所謂，她更恭喜葉德嫻榮獲威尼斯影后。
