黃長興創業辛酸 一鑊翹起
做了年多老闆的黃長興，學會了以平常心、平靜地解決問題，見招拆招，他笑說：「每日嘅問題都多籮籮，由人事、顧客投訴、入貨、食物質素……每次解決完呢個問題，又會有其他問題產生，所以依家會以平常心去逐一化解。」
在法國長大的前香港先生黃長興，爸爸在法國經營餐廳，順理成章他年多前在炮台山創業開設A La Maison法國餐廳，雖然在法國時也有幫爸爸手打理餐館，但也沒料到自己一手一腳經營會遇到多如繁星的問題，令他頭昏腦脹。黃長興回憶創業辛酸笑謂：「想害人就叫佢開餐廳，做足七日，每一日都有無數嘅問題要解決。」
餐廳經營一年，黃長興遇上最大挫折是餐廳大廚拉隊跳槽，當時令他心灰意冷，一度有意將生意結束，他說：「當時打擊好大唔知點算好，好彩有好多朋友鼓勵，然後又搵朋友介紹，又登報紙，之後請咗依家嘅大廚，交接期人手唔夠，自己都入埋廚房幫手，經過一段混亂時間才回復正常。」
有了經驗，黃長興現時會以平常心看待員工離職，他說：「原來飲食呢行，廚師流動性好大，喺呢年幾二三廚都轉咗十幾人，依家有員工走仲會祝福佢哋有更好嘅發展。」
老闆格言：平常心拆招
做了年多老闆的黃長興，學會了以平常心、平靜地解決問題，見招拆招，他笑說：「每日嘅問題都多籮籮，由人事、顧客投訴、入貨、食物質素……每次解決完呢個問題，又會有其他問題產生，所以依家會以平常心去逐一化解。」
服裝：Playboy