朱晨麗疑被利用「密照」外洩
出爐港姐朱晨麗昨出席活動時承認當選港姐後，她的舊照及短片被人利用作宣傳，由於片段有酒店房場景，朱晨麗直言感奇怪，擔心別人對她有所誤會。另朱晨麗前晚出席活動時性感登場，吸引大批賓客爭相合照，慘淪「布景板」。
三位應屆港姐朱晨麗（Rebecca）、朱希敏及許亦妮昨出席一環保活動。有指Rebecca早前被一網上電視台利用作宣傳，片中的她穿上婚紗與男友出現於不同場景如郊外及酒店房內，昨問她有否感成名後遭利用？Rebecca說：「有覺得被人利用呀，但唔擔心得咁多啦。關於條片，我只係有印象四年前喺蘇州影過婚紗硬照，同埋幫朋友拍片作比賽用途。我冇睇過段片，但知片段裏面有酒店shot，我都好驚，因為好奇怪。我會了解吓，總之無做過唔見得光嘅事。」
許亦妮問心無愧
之前於加拿大電視台工作的朱希敏因前公司有版權機制，故未曾試過被利用；許亦妮就透露曾被人偷用相片作宣傳，不過她覺得這些行為無法杜絕，總之問心無愧。許亦妮及朱希敏更表示十月將分別飛往成都及倫敦代表香港參加選美比賽，正積極備戰。
另外，前晚Rebecca與梁麗翹、許亦妮等以性感打扮出席慈善晚宴，對於要不停跟現場賓客合照，她們笑言不覺「淪為」布景板，也不擔心會有鹹豬手。
文：影視組