周秀娜黐星爺撞晒板

【韋芷茵澳門直擊】於八十年代紅極一時的英國男歌手佐治童子，前晚抵達澳門打碟，學過打碟的周秀娜，特地帶同一班師妹包括何佩瑜（Jeana）、Hidy及Annie G.過江朝聖，更技癢即場騷哥利，而性感女星藍燕亦谷胸現身。娜姐打扮密實，反而師妹Jeana就谷胸短褲搏到盡，周秀娜即被揶揄搵夠唔憂做，她反駁道：「我之前腳傷仲未好，所以要着長裙遮住，啱啱先落機就要趕嚟澳門，邊似搵夠？」

自細係星爺粉絲

近日娜姐密密離港搵銀，男友Avis卻屢傳有女埋身，她笑言很少留意新聞，男友暫時逃過一劫，在旁的Jeana即搭嘴：「有咩事會話你知。」娜姐表示跟男友拍拖多年，最緊要講個「信」字。

周星馳	佐治童子打碟期間，粉絲表現激烈。	性感女星藍燕谷胸現身，不讓o靚模專美。

她剛從杭州拍星爺電影返港，一提到黐星爺拍新戲上位之說，她突然擰轉頭失控撞落布景板，神色尷尬，問到是否靠黐上位？她直認不諱：「確實黐黐地，不嬲係佢粉絲，能夠參與佢嘅電影好開心。（會唔會愛上佢？）細細個已鍾意佢，男友都鍾意。」她表示有向星爺請教拍戲心得。

另外，Jeana早前被鄧伊玲（阿旦）寸似吹氣公仔，她表示自己太高很難整，或考慮出攬枕。