汪阿姐効力無綫40年：冇諗過走
汪明荃（阿姐）及王賢誌昨日到廣華醫院探訪，對於電視圈掀挖角潮，効力TVB四十年的阿姐表示沒人「挖」她，她亦從未考慮過離開：「年輕時開始入TVB就冇諗過走！其實大家要衡量公司機構健唔健全同發展大唔大，始終大公司（TVB）有好制度。」但阿姐認為挖角潮會令演員及幕後更值錢是好事，因培養人才並不簡單。
曾與無綫鬧得不愉快而離開的王賢誌表示，有多幾間電視台出現可令觀眾有較多選擇：「TVB一向人工低，因為市場冇咩競爭，其實要簽死約冇得亮相其他電視台，真係冇意思！不過大家唔使太心急，睇定啲先。」他又表示未有聽聞表兄鄭嘉穎會離巢，未知是否身有長約還是想再拎視帝。