堪輿學家李丞責被傳與行家麥玲玲暗鬥超過20年,去年二人更對簿公堂,最後由朋友做「和事老」並擺和頭酒了事。對於李丞責與09年港姐冠軍劉倩婷戀事曝光,記者昨日致電麥玲玲,她坦言早知。
麥:麥玲玲 記:記者
記:你知道李丞責與劉倩婷拍拖嗎?
麥:我知,江湖傳聞咗一段時間架啦!
記:你點睇呀?
麥:始終都係開心事,男未婚、女未嫁,好正常。可能因為未到成熟階段,所以未公開啫!
記:你批吓佢哋姻緣,睇吓佢哋夾唔夾?
麥:佢哋性格都幾夾,大家都重『土』,性格相似。不過都比較主觀,容易有摩擦,大家都桃花命。
記:咁佢哋會唔會結婚呀?
麥:會,李丞責屬猴,去年犯太歲,呢兩年較多波折。劉倩婷屬牛,佢哋最大機會喺2013年定親。