鄧麗欣楊幂撞到嘭嘭聲

鄧麗欣（Stephy）在香港久未露面，前日她出席北京品牌活動時，竟與內地女星楊幂撞衫，兩人同樣穿上米色背心配黑色喱士連身裙，撞衫後二人頓成焦點，而Stephy更被指因撞衫而不時刻意低頭玩手機來避免尷尬。

昨日記者致電Stephy了解，被問到衣服是否由大會提供？Stephy透過助手回應：「係，我事前完全唔知同楊幂着同一件衫，之前都做咗fitting（試身）。（尷尬？）唔尷尬，只係有啲愕然，因為咁耐以嚟第一次同人撞衫，都OK。」女星撞衫定必被討論誰穿得較佳，Stephy就p:表示「各有各靚」。

另外，有指Stephy與無綫的合約經已完結，不過當無綫採訪時，Stephy仍十分主動拿着咪做訪問。而無綫外事部發言人表示：「雖然大家已經冇約，但佢係藝人身份，有需要嘅當然可以接受無綫訪問。」

新片與田亮合作

Stephy與金牌大風的經理人及唱片合約已完，她已簽內地經理人公司，積極開拓內地市場，今年接了四部電影及兩部電視劇，可謂忙個不停。而她有份參演的《東成西就2011》亦即將上映，當中造型更有突破。而Stephy前日出席《公主的誘惑》記招，宣布將於十月開鏡，劇中更會與田亮首次合作。

文：音樂組