馬國明久疏戰陣dry啜黃智雯

前晚馬國明、黃智雯（Mandy）在上環為劇集《On Call 36 小時》拍攝一場接吻戲。Mandy的螢幕初吻獻給了羅仲謙，而此劇與袁偉豪亦有激咀戲，已算是「老手」，今次碰着咀戲經驗豐富的馬國明，他笑言：「之前我喺《談情說案》錫咗四、五個，佢哋話我一次過錫晒啲quota，我都好耐冇拍咀戲，有啲緊張，同Mandy第一次合作，好在臨埋尾先拍，大家熟啲冇咁尷尬。」

讚羅仲謙水潤

不過，馬國明指Mandy是咀戲「老手」，二人毋須因尷尬而就位拍，但論經驗她始終不夠他多！而Mandy則逐一分析誰最好咀：「羅仲謙水潤啲，袁偉豪就有情感啲，馬國明就dry啲囉！佢個人都好dry，不過同佢拍唔尷尬，因為佢好nice。」馬國明聞言即笑說：「我覺得佢好好咀呀，令我好回味，有啲真係唔好咀，不過唔開名啦！」

黃智雯咀完馬國明，認為佢好dry。	馬國明在《談情說案》中起勢咀女，笑言用晒quota。	工作人員頻頻為馬國明抹汗。

指馬浚偉口直

對馬浚偉不滿無綫不重視劇集《紫禁驚雷》，收視高都沒慶祝活動，同是主角之一的馬國明說可能因為《潛行狙擊》要拍電影，所以宣傳較多，在商言商很難說，他說：「馬浚偉一向口直。（佢有冇同你提過會提早解約？）之前我哋有傾偈，佢話大陸有好多公司搵佢。」對於有指馬仔不滿無綫為他推掉大陸劇，原來去年馬國明也被無綫以撞期為由為他推了兩套大陸劇，令他大感可惜。

文：影視組