莊思敏拒復合明hurt吳浩康
名模莊思敏昨日在紅館為今晚舉行的《星光熠熠耀保良》參與拜神儀式，近日傳思敏與名人陸恭和傳「翻撻」，思敏說：「我哋都冇一齊過，邊係翻撻，同佢識咗十幾年，嗰日唔係得我哋兩個人食飯，佢有女朋友喇，搞到我幾唔好意思。」
思敏坦言有圈外追求者，但要時間加深認識，她又斷言與吳浩康復合機會微，她說：「我同佢直接講咗，唔想畀佢有希望變成失望，我啲說話可能hurt到佢，我都心痛。」
前港姐劉倩婷右腳戴着護膝，她說不是扭傷腳，只是排舞時撞瘀了，故以護膝遮掩。最近她與風水師李丞責傳緋聞，而李丞責又剛與妻離婚，豈不造就兩人發展機會？她說：「大家係朋友，唔好講呢啲嘢，作為朋友會支持佢嘅。」