詩雅闖靈堂喪嗌失聲

詩雅早前與無綫前主播柳俊江及同門姊妹湯怡，參與拍攝獨立電影《哭喪女》，詩雅表示該片是目前她在體力上最辛苦的一部電影，她說：「之前天氣好熱，但要喺條街喪跑，仲要行山澗水，加上被蚊狂針，搞到周身蚊瘌。」

浸水戲效果靚

詩雅又謂戲中有多場浸水戲，她說：「人生中第一次水中拍戲，雖然好辛苦，同消耗好多體力，但拍出嚟好靚。」她又說大部分場景在靈堂取景拍攝，她還要聲嘶力竭喪嗌，令她失聲收場：「我仲要經常扮仆跌，搞到周身瘀傷。」談到首次與柳俊江合作，她大讚對方聰明，她說：「佢好識講嘢，表達能力又高，好多嘢都識答，所以好受歡迎。（佢第一次做戲？）係呀，不過佢上手好快，記性又好，最緊要係佢唔怕面對鏡頭，可能同以前做慣主播有關。」

詩雅表示有意於下半年赴北京讀書進修。	詩雅與湯怡（右）合拍新片，又讚同劇男演員柳俊江口才了得。	柳俊江

赴京進修演技

此外，詩雅透露正計劃下半年赴北京讀書進修演技，她說：「依家物色緊學校，打算留一個月，不過當然最好喺北京一路讀書，但同時又可以拍戲，就可以留耐啲。」

採訪：戶冊平

場地：EL CID＠諾士佛臺