黃智雯易動情疏遠異性

無綫藝人黃智雯（Mandy）早前在電視劇《潛行狙擊》中感情線複雜，與郭政鴻及MC Jin發生三角關係，不過她坦言現實中對愛情十分專一，但強調自己很容易動情，她說︰「自己感情上未試過出現多角關係，我係一個好專一嘅人，雖然我好容易鍾意人，但如果有另一半就唔會畀呢啲事發生，我唔會再去鍾意其他人，自己唔容許一腳踏幾船。」

退出多角戀

Mandy表示曾試過男方有多段關係，當時感到十分傷心，但她選擇退出，決意不做「小三」！

現時單身的Mandy雖然專注事業，但問其擇偶條件，會是像在劇中郭政鴻的成熟還是MC Jin般的識氹女仔？她說︰「我鍾意啲比較大個同成熟嘅男仔，可能安全感大啲，好似郭政鴻在劇中嗰類型。」不過她卻笑言得一想二，希望找個perfect男朋友，有齊兩位的性格，她笑說︰「但其實我想男朋友有晒兩個人嘅性格，既成熟可以照顧我，但又要多橋識氹開心，係女仔都想要個完美男朋友啦！」

工作密麻麻

此外，今年Mandy一劇接一劇，工作排得密麻麻，問到是否上位？她說︰「唔可以咁講，只係機會嚟我會把握，係咪上位自己唔知。」對於年底頒獎禮，她直言希望攞獎，認為是一種鼓勵，她說︰「自己有冇機會就唔知，其實有提名已經好開心，係一個肯定。」

文︰專案組

攝︰沈健程

場地、服裝︰GUESS