洪卓立孖湯怡親熱吸金

英皇男歌手洪卓立早前在內地昆山拍劇，並於當地逗留了一個月，他形容此行為艱辛之旅，Ken說：「我第一次返內地拍劇，嗰度氣溫近乎40度，最大困難係要着古裝拍攝，仲要喺山洞入面拍，冇風、又多塵，好似喺密室咁，roll機時仲要放煙，抖氣十分困難，每晚返酒店清理鼻孔時，有好多『白色物體』，而且熱到連內褲都濕埋，不過拍戲真係好好玩。」

「煲冬瓜」冇問題

Ken表示全程以普通話唸對白，他說：「我啲普通話都OK，而且我嘅主要對手係內地演員，講普通話會易於連戲。」問到若然與緋聞女友湯怡拍親熱戲有沒有問題？Ken笑說：「有人睇中都唔拘，可以情侶檔搵銀！不過其實我之前試過拍kiss戲，初時覺得冇乜嘢，但拍嗰陣就驚驚哋，覺得好似唔好意思咁。」

洪卓立不介意與湯怡情侶檔搵銀。	洪卓立坦言渴望與型男金城武合作。	金城武

另外，Ken透露早前與影帝張家輝合作拍攝《大追捕》，並大讚家輝演技一流，他說：「佢要拍一場喊戲，見佢好用心去培養感情，睇到自己心都噏埋。」

金城武有男人味

問到最想與哪位影星合作？Ken想也不想說：「金城武！我覺得佢係全亞洲最型最有男人味嘅演員，佢嘅眼神好吸引人。」

攝影：黃叔榮

場地：gi

化妝：Sherman Fung

髮型：Alex@P.O.P Hairdressing

服裝：Adlib

採訪：戶冊平