敏之執靚自己等候「獎」聲
陳敏之憑年初的劇集《怒火街頭》內「索腿天后」一角獲得好評，更為她帶來不少廣告。但敏之最希望的是可為她帶來獎項，並打算着得靚靚迎接得獎的時刻。
敏之早前為眼部美容護膚品拍攝廣告，但因「索腿天后」人氣勁，在廣告中也難免露長腿，敏之也樂此不疲：「好開心《怒火街頭》呢個角色令我多咗好多工作，既然客戶想『索腿天后』幫手宣傳，都應該嘅，（酬勞如何？）今次酬勞好好，（加價？）唔知喎，不過我唔係咁計較個價錢，只知自己好似牛咁狂做，因為係冇預算效果咁好。」
「索腿天后」已為敏之帶來人氣及「現金獎」，問到是否也想為她帶來獎項，她直言該劇可算是她的代表作，演員很難遇上好劇本，加上她拍劇時又曾受傷休息半年，付出了不少，因此希望可以拎獎以示肯定。
準備再作突破
不過，所有獎項暫時未有提名名單，但敏之主觀願望是攞「最佳女配角」：「我對自己有信心架，不過都係平常心看待，最緊要嗰晚着靚靚去開心一晚。」此外，有說《怒火街頭》將拍續集，不過敏之謂「索腿天后」在劇中已死，如重生未必為觀眾接受，是以她會專心拍好《東西宮略》，望再在另一個劇有突破的演出。
文：影視組