何志恩為莫文蔚婚紗埋尾
設計師何志恩（Johanna）前日與插畫師林皮（皮皮）合作舉辦展覽，鄭希怡（Yumiko）、好友杜如風等亦到來支持，Johanna笑言：「今次真係碌晒人情卡。本來淨係諗住叫杜如風，之後佢話不如叫埋班姊妹嚟，原來佢哋個個都有買開我嘅衫，真係好開心！」另外，Johanna透露好友莫文蔚已飛往意大利準備婚禮：「其實婚紗已經準備好，依家等我去埋尾。（佢肥咗定瘦咗？）我希望佢會肥咗，肥番啲影相都靚啲。」
而Yumiko昨日出席另一活動時，澄清自己並沒有被公司雪藏：「係誤會。同TVB嘅約依家仲傾緊，同英皇嘅約仲有好幾年。（擔唔擔心？）唔擔心，同公司關係好好。」
