goldEN闖樂壇瞄準組合獎
謝安琪師弟馮家俊（Cousin）及劉浩剛（Kenneth），組成goldEN勇闖樂壇角逐今年組合獎，兩子近日四出為本月底推出的處男專輯造勢，吸引不少歌迷捧場，極度愛音樂的goldEN更唱到唔願走，應歌迷要求兩度Encore。
Cousin曾為蔡卓妍、周柏豪、張敬軒及李克勤的歌曲編曲，問到由幕後轉做幕前會否感壓力？他說：「唔會畀太大壓力自己，最緊要享受過程。（年底頒獎禮有冇期望？）有獎係錦上添花，冇獎並唔代表我哋冇努力過。」問到會否與謝安琪合作？Kenneth說：「唔排除有呢個機會，不過佢都教咗我哋好多嘢。」