羽翹保護另一半冇膽示「威」

羽翹（Ava）將於本月推出第二張廣東碟《AVAnt Garde》，Ava一向愛寫歌愛創作，新碟中當然不乏其作品，她表示今次有三首歌由她親自操刀：「咁啱首首都係講愛情！喺入面我最鍾意《銅情深》，呢首係我放得最多感情同時間嘅歌。」

至於她與羅力威的緋聞最近傳得熱烘烘，問到會否乘勝追擊，找他當MV男主角？她想了一想後說：「會考慮，但盡量都唔會主動搵，因為驚佢會搶我鏡，哈哈！同埋當我哋兩個拍埋一齊嘅時候，大家就唔會留意我嘅歌，焦點會變咗我哋兩個。」

羽翹與羅力威從沒承認戀情，卻又是公認的一對。

熱愛創作的羽翹，新碟中有三首個人創作。

雖然Ava不想利用緋聞造勢，但要是換作幕後合作，她就大表歡迎：「佢依家自己都忙緊出碟嘅嘢，又寫好多歌，等佢忙完晒我就會搵佢幫我寫歌，我冇咩要求，好聽就得，其他就交畀佢。」

有共同話題

雖然有不少人都認為羅力威為人沉悶，但Ava就表示與他有不少共同話題：「我同佢都有好多共通點，好似音樂同電影咁，所以都幾多話題。」

Ava與羅力威的情侶關係如幻似真，她澄清從沒公開承認對方是其男友，並明言即使拍拖都不會公開：「就算我真係拍拖嘅，我都唔會公開，因為我唔想有咩事或者有負面嘢嘅時候，會影響對方，呢個係我保護另一半嘅方式。」

採訪：音樂組

攝影：司徒國榮

服裝：Katie Judith by I.T.

場地：Caffe Kenon