Monna處女投「影」三級出血
「混血E神」林宜芝在暑假寫真戰中突圍而出，早前拍攝三級片搏到盡，即使受傷流血亦在所不計，強調自己唔剝衫更與別不同，還表示絕不怕被定位為艷星。
林宜芝（Monna）繼寫真戰後轉戰電影圈，並接拍了三級片。面對一眾於片中裸露的女星，Monna坦言不怕被比下去：「佢哋個個剝晒，得我一個唔剝，反而更突出自己風格！」今次拍戲Monna可謂有血有汗，其中一場與「神之手」加藤鷹的爭執戲，她因太入戲而誤撞木板，致美腿遭木板刮損，她說：「唔小心撞瘀同刮甩咗啲皮，好彩只係流少少血。」
偷睇吉沢明步床戰
對於選擇三級片做銀幕處女作，Monna直言不怕會因此被定型：「唔怕會定型！每個人嘅定位都唔同，梁朝偉同湯唯都拍過三級片喇！」今次在電影《蜜桃成熟時33D》與日本AV女優吉沢明步合作，Monna大爆靜靜雞留低睇吉沢明步的床戲，她說：「現場好似得我一個女仔特登留低裝佢點拍，佢真係經驗老到，十分專業。」Monna有幸與AV界大人物吉沢明步及加藤鷹做對手戲，惜兩位日本演員都不諳英語，大家只能靠翻譯溝通。
撰文：專案組
攝影：黎志輝
場地：Kuppa Jamming