陳茵媺恨出口孖陳豪攞獎

Aimee昨日以連身短裙出席美齒產品活動，對於被指獲高層樂易玲「提攜」，憑《ATF反恐》及台慶劇《法證先鋒III》狙擊陳法拉爭視后，Aimee澄清拍劇不為「獎」聲：「冇聽過喎！我唔理呢啲嘢，只希望做好角色！」問到會否覺得自己未夠班？她希望觀眾看見其進步，至於會否希望與「同居密友」陳豪雙雙攞獎，她甜笑說：「獎係人都想攞，有都開心嘅！」並指不欲為爭獎而增添壓力。

做背後女人甜笑

Aimee謙稱法拉、胡杏兒及鍾嘉欣均是大師姐，她說：「佢哋個個都好勁，但自己都會朝視后呢個『遙遠』嘅目標進發！」至於視帝心水，Aimee冧爆推舉陳豪：「梗係最好係佢啦！（支持佢？）當然，fully support！佢年年都好大機會。（有咩行動打氣？）佢自己好有信心，充滿正能量，我唔使做啲乜喇！」問到是否願做陳豪背後的女人？中文麻麻的她雖然聽不懂，仍滿臉春風的甜笑，認真sweet！

陳豪	陳法拉覺得自己仍有進步空間。	楊洛婷盛裝打扮出席活動。

唔埋堆係實力派

另一邊廂，陳法拉昨晚出席活動時提到她屬視后大熱，她說：「唔好咁講，謠言嚟啫。（冇信心？）今年得一套劇上，雖然反應好好，但自己都覺得有進步空間，要做到十全十美先有機會。」

講到陳茵媺得樂易玲力捧爭視后，陳法拉則說：「冇聽過喎，真嘅成分唔高，公司嘅運作唔係咁，唔會話捧邊個就邊個攞。」陳法拉則睇好楊怡、胡杏兒攞視后，冇陳茵媺份。陳法拉又否認被指藐樂易玲，她強調與樂易玲關係良好，又謂自己不屬陳、樂兩派而是實力派，平時也少有機會和高層食飯。

採訪：影視組