謝天華寸馬浚偉唔成熟
謝天華在《潛行狙擊》演Laughing哥大受歡迎，收視高企，獲無綫大鑼大鼓慶祝，反觀馬浚偉的《紫禁驚雷》同樣高收，卻有不同待遇，令馬浚偉有微言覺得無綫厚此薄彼。謝天華知馬浚偉有此反應時說：「如果佢咁諗，思想未免唔夠成熟，好似小朋友咁，怪父母唔買嘢佢玩，一部劇受歡迎與否，完全係睇數據同觀眾反應，唔係靠自己吹噓。」
至於馬浚偉昨日接受查小欣電話訪問，提到有傳他將與無綫提早解約，他說：「有啲嘢同公司傾緊，暫時唔想講咁多。」他又言在工作上是裙腳仔，從未想過離開公司，更否認與無綫製作資源部總監樂易玲不和。
樂易玲昨透露未接到馬浚偉的解約要求，對於有指對方不滿有人推掉他的新劇《建元風雲》，樂小姐表示因發現合約細則有問題，一眾高層都未能接受，之後向投資方徐小明反映並解決問題，最終已接下該劇，她坦言早前已知馬浚偉有心結，並已作出安撫，希望能解決他的問題。而另一高層曾醒明則解釋，《潛行狙擊》是全年最高收視劇，同時，要宣傳開拍電影，因而才大搞一番。