陳慧琳生日蝦餃仔送濕吻

Kelly、陳嘉桓、胡敏珊等前晚出席ANTEPRIMA活動。於9月13日生日的Kelly在活動上獲贈手袋。她透露自己與老公及蝦餃仔在家中平淡地度過其39歲生日。問到她收到甚麼禮物？她笑言：「老公送咗紮花，蝦餃仔送個『濕吻』畀我，因為好多口水。（生日願望？）身體健康啦。（想造人成功？）準備中，係就會同你哋講。」

陳嘉桓拜神驅鬼

已兩、三年沒有主演電影的Kelly，透露剛接拍了賀歲片，屆時會與古天樂飾演情侶。問到甚麼吸引她出山？她笑言：「一來喺香港拍，二來係時裝劇又搞笑，可以嘻嘻哈哈咁過一日。（好似栢芝咁畀囝囝客串？）佢都未識講嘢。（大啲呢？）都要問過老公，不過佢咁低調，應該都唔Prefer。（如拍拍吓發現佗B？）都會繼續拍，因為部戲多主角，唔會拍好耐。」

蝦餃仔	Kelly直言懷孕不會影響她接拍電影的工作。	陳嘉桓（左起）、馬詩慧、王曼喜在台下睇騷。

對於有報道指她過分縱容蝦餃仔，Kelly回應：「我冇特別縱佢，但都唔會打佢，會哦到佢唔做為止。」

至於同場的陳嘉桓則透露正忙於拍鬼片，並大爆室友的撞鬼經歷，她說：「公司畀咗間屋我同另外一個女仔住，有一次我返屋企，個女仔話佢畀鬼壓，又話隻鬼同佢講冇嘢食。不過後尾我哋做番拜神儀式就冇事！」

文：名人組