城城長沙開騷難捨旋轉舞台
郭富城昨午現身機場出發到長沙，為他的《舞林正傳》巡迴演唱會最終站演出，城城表示：「呢個巡迴騷做咗四年，大細場地都表演過，有少少唔捨得，因為呢個演唱會我好鍾意，將我喜歡的音樂同舞蹈結合！特別係個旋轉舞台，會keep喺倉，慈善演出先拎出嚟。」
城城表示完成今次演出後，將積極投入籌備年底的紅館演唱會，提到他早前有意搞舞台劇，城城說：「個唱後會接拍多部電影，個夢想有點難實現，因籌備舞台劇起碼要用三年時間，（咁結婚呢？）我明大家係出於好意同關心，唔使咁擔心我，我已經講過一次，唔使再催我結婚！」