婷婷30萬買車唔靠安志杰
謝婷婷前晚真空上陣兼中門大開現身汽車活動，笑言不怕心口的鈕釦會爆開，因為已做足安全措施。而剛過生日的她更已落訂購買品牌價值約逾三十萬的新車，但否認是男友安志杰送贈的生日禮物。
謝婷婷中門大開現身活動，記者問她是不是真空？婷婷尷尬地反問：「咁梗係啦，唔係可以點？（驚唔驚突然爆鈕釦？）唔驚，做足安全措施。」現場所見，婷婷表現大方淡定，但近日卻有傳她拍攝電影時因為緊張而狂NG，婷婷即否認傳聞：「人哋講啫，如果拍5分鐘兩個Shot都NG，我無嘢好講。」
當聖誕節禮物
婷婷前晚為Fiat 500 by Gucci擔任嘉賓，對品牌的限量新車甚感興趣，問到有沒有搶先落訂？她直認不諱：「有呀，啱啱已經訂咗，但第一批貨已經無晒，所以我訂嗰架要等到聖誕節先有。」由於婷婷剛於本月7日生日，新車令人聯想到是否男友安志杰送贈的生日禮物？婷婷只透露：「唔使佢送，就算係想人送，依家講咗出嚟都無surprise。同埋架車要到聖誕節先再有貨，係我自己買嘅聖誕禮物。」
約媽咪過中秋
中秋節快到，被問到會否跟姪兒Lucas他們一起過？婷婷表示不知道，但可能會跟媽咪狄波拉過：「嗰日係我唯一假期，可能會搵媽咪，而爸爸就不嬲唔重視節日，佢會話日日都係中秋節，所以應該唔會搵佢。」
文：名人組