Ana R.四方城大勝
「一年容易又中秋，月餅燈籠處處有，明月高照如白晝，一家大細樂悠悠」，中秋節是和至愛親朋共聚的好日子，更帶來不少難忘回憶。雖然中秋節是中國人節日，但混血名模Ana R.也樂在其中，難忘首個中秋節「處女」學台灣牌而贏錢，Jocelyn則和老公去舞火龍；陳沛嘉難忘和已故父親共度最後一個中秋時，閒話家常的溫馨。
《豪華婚宴典禮2011》
Ana R.「第一年過中秋喺台灣，第一次食月餅，第一次學玩台灣麻雀，覺得好好玩，啲人話初學會好好運，果然嗰次我贏咗錢，雖然唔多，但好開心！」
陳嘉桓「九歲嗰年喺學校整咗個好靚嘅燈籠，諗住攞返屋企畀媽咪睇，點知將個燈籠留低咗喺車，當時我好唔開心，喊咗好耐。」
《洋酒活動》
陳沛嘉「前年同爸爸過嘅最後一個中秋。嗰陣爸爸喺醫院，我將啲月餅切到好細粒餵佢食。我哋都係閒話家常，同佢講吓我做嘢點，等佢知我識得照顧自己。」
《fans聚會》
余曉彤「同初戀男朋友喺天台用蠟燭砌個心形，點知真係着火，變成煲蠟咁！我哋諗住用水淋熄佢，點知仲大火咗！最後我哋好努力咁整熄啲火。」
何佩瑜「第一年同男朋友過中秋，佢帶咗我入圍村！我哋燒嘢食、飲酒。後尾仲坐一架木船出海，成班朋友好好玩！」
《Life Clinic開幕》
Jocelyn及老公Anthony「我哋上年同經理人及朋友一齊去咗舞火龍！真係好接近中國文化，好得意！不過都有啲危險，因為當時好多人，啲人又跑得好快，啲火仲差啲燒親我哋添！真係一個好難忘嘅經歷。」
《TED BAKER 2011新裝發布會》
張舒雅「以前細個都會同朋友煲蠟，會將啲燈籠燒爛晒。我好鍾意玩火，當時一啲都唔驚！」
高海寧「我四、五歲嗰陣，同婆婆講話想要燈籠，點知佢親手造咗隻白色同好大嘅紙兔仔燈籠畀我！」
莊思敏「十幾歲嗰陣同朋友一齊煲蠟，本來大家都只係淋水，點知有個朋友淋酒！啲火真係好勁，仲燒着咗棵樹添！」