范振鋒有食力財源滾滾
藝人、主持兼ＤＪ的范振鋒，除了在娛樂圈百足咁多爪外，圈外亦生意多多，范老闆既開設火鍋店，更經營酒吧、時裝及製衣廠生意，確實是大忙人。一星期中他有六日要返電台做節目，閒時亦有出去接job賺外快，不過對於自己的生意，他都親力親為。
今次記者親臨他與友人合資的火鍋店做訪問，他坦言飲食業愈做愈難，舖租貴之餘，食材本身成本都不斷高漲，身為老闆的他，坦言不可一時間將價錢轉落客人身上，就算加價都要深思熟慮，幸而舖頭的生意一直不錯。
問到藝人做生意會否有着數時，他謂：「睇吓做乜嘢生意啦！有啲都有嘅，我都算半個傳媒，閒時都有為店舖宣傳下。」范振鋒坦言之前都曾與陳浩民、洪天明合資開酒吧，他說：「我哋成日各有各忙，未必有咁多時間喺舖頭，不過都好鍾意同呢啲拍檔合作，因為唔使煩，大家唔會太計較，試過有拍檔雞毛蒜皮都計到足，做生意，始終大家都要講個信字。」范振鋒又謂，希望與在日本定居多年的弟弟拍檔做日本菜生意，更會擴充其時裝事業。
老闆格言親力親為
營商有道的范振鋒，對於一些想做老闆的人，他有甚麼格言相贈呢？他說：「做生意唔係一定賺，香港人口味轉得太快，都要睇準啲，我係做過第一代珍珠奶茶生意，都曾經蝕過錢。」其次是要清楚知道自己的強項，始終做生意要親力親為，不是只投資便可。
場地：輝叔牛肉料理火鍋店