陳靜願為真愛閃婚

以低胸裙示人的陳靜說：「佢兩個好勇敢，但我唔評論太多，佢哋都面對好大壓力。我想講Evelyn（Tom舊愛、o靚模蔡穎恩）今次處理得好好。（你會為愛情放棄事業？）目前工作第一，但做人冇嘢放唔低，遇到真愛，我一樣可以咁大方（閃婚）。」

馬浚偉講樂易玲

同場的馬浚偉對於有傳無綫高層樂易玲將被重金挖角，他說：「佢好似否認咗，去到佢呢個位唔係咁易變動，TVB係上市公司，制度健全，唔係話變就變。（你同樂小姐前年傾續約磨合困難，冇得再磨合好可惜？）我係簽畀TVB，唔係簽畀一個人，續約過程中亦同好多高層接觸過，我係純粹睇工作，唔係睇個人。」

馬浚偉以美食餵陳靜。

Leanne與Tom日前發聲明宣布奉子成婚。（資料圖片）

同Jeana有溝通

此外，陳靜前晚密實出席電影《喜愛夜蒲》銅鑼灣謝票時，對於有傳o靚模Jeana拍攝時頻頻搶戲，陳靜說：「我唔信佢會咁做，（同佢friend咗？）拍戲時係，拍完我都當佢朋友，因為朋友係一世，之前宣傳寫真集時大家可能有啲誤會，但我哋見面溝通咗，已經冇嘢。」

文：影視組