Bobby爭視帝欠陳生一票

Bobby、楊怡、林峯、黃智雯、馬賽等昨日出席新劇《不速之約》宣傳活動，對承接高收視劇集，劇中演員坦言不感壓力。Bobby說：「應該啦！佢哋個勢做到咁勁，所以林峯連電影都唔拍趕返嚟，我對呢套劇有信心！」提到「視帝」獎項時，起初Bobby笑言：「呢套好大期望，今年視帝應該係我，爭陳生（陳志雲）嗰票咋！（你唔使同佢哋爭啦！）都『化』啦！」

反串嫦娥應節

時近中秋，Bobby等演員在現場大玩扮嫦娥來應節，其中Bobby扮得最惹笑，監製評分時亦指他最似女人，氣得Bobby說：「你搞到我咁，我仲要打入大陸巿場架！」

林峯與眾演員頭戴兔耳大合照。

Bobby搞笑着女裝扮嫦娥。

而楊怡今年算「多產」女藝員，一共拍了四套劇，說到陳法拉「視后」呼聲暫時最高，楊怡聞言即謂：「法拉好呀！獎項信心我一定有，不過識我嘅人都知我唔太着重，當然我會好努力去爭取。」

林峯諗定戰衣

至於林峯坦言不會感壓力：「接高收視劇都好，可以有帶動作用，不過聽反應謝天華、黃宗澤嘅演出都好出色，（有冇信心爭奪『視帝』？）希望一齊入五強啦，我唔要贏呀，大家一齊角逐咪OK囉！冇所謂，我只係諗嗰日着乜衫！」

文：影視組