徐子珊畀黃宗澤報仇搞喊
徐子珊、黃宗澤（Bosco）、謝天華、陳法拉等前晚與200粉絲齊齊欣賞劇集《潛行狙擊》大結局，演情侶的子珊及Bosco於台上被主持以黃生、黃太稱呼，子珊笑指黃太另有其人。當子珊看到劇中被Bosco槍殺一幕時感觸落淚，Bosco卻笑笑口向她手指指，子珊謂：「最衰係Bosco喺台上話我易喊。（係咪你取笑佢黃太遭報仇？）我都係搞氣氛啫！咁呢場戲拍嗰時角色好慘，Bosco又坐我隔籬，所以睇番就會感觸。」
至於法拉於結局從高空墮下死亡，不過她邊笑邊看，稱因為懂得抽離，而該劇暫時成為本年度收視最高的作品，明日更將舉行祝捷會。