Baby聞曉明「透」出相思情

【蔡穎怡上海直擊】Baby前晚現身上海，出席I.T旗下品牌b+ab「60,70,80,復古亦甜美」為主題的2011秋冬時裝騷，同場還有吳卓羲緋聞女友張馨予、吳辰君及大陸女演員田原等。Baby身穿自家設計的黑色see through新裝出現，透出黑bra誘惑。

大嗌救命求饒

中秋節將至，Baby會否與黃曉明人月兩團圓？她指中秋將在深山拍武俠片，會在工作中度過，記者笑指「蛋糕」（意指海綿蛋糕黃曉明）會好lonely、變成lonely cake？Baby即帶笑大叫救命要經理人Kim幫手，Kim解圍說：「中秋節梗係食月餅啦，做咩食蛋糕？」Baby即附和說：「係呀，食月餅呀，救命呀！（係咪唔想食月餅只想食蛋糕？）中秋節一定要食cake，係mooncake，多咗個moon字。（會送mooncake畀黃曉明？）哈！都可以嘅。」

左起：田原、張馨予、吳辰君與Angelababy各具美態。	Baby以設計師身份謝幕，大叫緊張。	b+ab時裝系列令人看得目不暇給。

今次時裝騷以Baby設計的系列打頭陣，她分外着緊，在後台親自為演繹的模特兒整理新裝。完騷後，又和多位身穿其設計的模特兒出場並接受大會獻花及謝幕。

初做設計師爽

Baby笑言：「第一次以設計師身份行台謝幕，真係有啲啲腳震，第一次唔係以model身份行台，真係爽呀！」為怕會出洋相，之前她已參考過其他設計師謝幕的甫士。

Baby今次只設計女裝，為此籌備了三、四個月，為免太誇張，所以稍作改善，取其大眾化，望與大家一起分享靚嘢及帶出cool同sexy。可會設計男裝畀「蛋糕」？她說：「我能力冇咁強！今次個系列有好多皮革。（點解會有透視？）哈！生活如果成日太密實就冇特別，有時朋友生日、會男朋友都可以特別啲，有特點。」見曉明會否亦特別打扮一番？Baby只是笑說：「我有好多靚衫，今日着得特別啲，可以若隱若現。」