張智霖五位數現金賀靚靚牛一

張智霖前晚出席活動，提到兒子魔童，他指囝囝已於八月中開學，問他如何避開傳媒偷拍囝囝上學，他笑言：「我好低調，而且傳媒又高抬貴手，可能佢哋太多目標。」至於早前太太袁詠儀（靚靚）生日，張智霖跟一大班朋友跟靚靚食飯慶祝，並送了靚靚最鍾意的禮物：「我送現金，都有五位數。（佢有冇唔好意思收？）佢表現得好唔客氣，但冇嫌少。因為買咗太多嘢喺屋企，現金最實際。我連囝囝生日都唔會送玩具，不如捐咗佢做慈善啦！」他透露早前與魔童出街，見到殘障人士，魔童都想捐錢給對方，他大讚囝囝有善心。