子珊 Ella 零交流疑唔妥
【蔡志豪澳門直擊】同為吳卓羲過氣緋聞女友的徐子珊和官恩娜前晚同台演出，二人隔着三個身位而站兼且零交流，惹來不和揣測。徐子珊坦言與Ella不稔熟，但卻澄清不會與卓羲現任緋聞女友張馨予硬搶情郎，存心撇清與吳卓羲的關係。
徐子珊和官恩娜（Ella）兩位吳卓羲過氣緋聞女友，前晚在澳門舉行的《澳門購物節2011：全城喜動》活動同台亮相。由於出場時序有別，二人要到完騷前祝酒一刻才正式「碰頭」。
否認挑戰張馨予
雖然二人笑容滿臉，但卻全程零交流，更隔着三個身位而站，難免惹人懷疑不和。問子珊與Ella同台感覺如何？她說：「好多次啦，我同佢唔係好熟但有傾偈。」她又否認對方是舊情敵：「我係緋聞（女友）咋，大家誤會咗，我見到佢手傷咗都有問候佢o架！」
由於子珊穿低胸晚裝騷胸獻唱，問她如此性感是否想與吳卓羲現任緋聞女友張馨予抗衡，子珊否認謂：「冇咁嘅事，我都冇乜嘢！」子珊透露下月將聯同吳卓羲、胡杏兒等到馬來西亞開演唱會，談到再與卓羲同台演出，她說：「公司安排o架！又唔係第一次，keep住有合作。（搶佢番嚟？）你哋諗得太多。」
林欣彤呻應酬多
同場的英皇歌手林欣彤在台上表演短劇，對白中表示「不想當歌星」和很忙很煩。事後問到是否她的心聲？她說：「都係o架！因未習慣。（應酬多？）香港嘅歌手唔可以淨係唱歌，商業元素大過唱歌質素，自己盡量平衡緊。（冇商業元素就冇收入？）如果我只係想搵錢就搵其他職業，唱歌係我嘅夢想，依家已達成緊。」她表示亦有請教前輩如何減壓。