阿Sa恨生B谷奶升Cup
蔡卓妍（阿Sa）與鄭中基（Ronald）離婚後各有另一半，Ronald還快前妻一步榮升爸爸。前晚Ronald透露已於七月廿二日，與第二任老婆前電視台主播余思敏在家註冊，阿Sa亦承認恨做媽咪，因為生B後可谷奶升Cup增強事業線。
阿Sa與鍾欣桐（阿嬌）昨日出席時裝活動，剛由威尼斯返港的阿Sa透露此行雖然辛苦，但是一個很好的體驗，還遇到很多國際巨星。她說：「我見到姬娜萊莉。（點解唔同佢合照？）捉住人影咁核突同丟臉，當然我內心好想。（點解唔叫助手開聲？）佢睇到呆晒啦！」
未適合懷孕
對於Ronald透露已於七月二十二日在家與前電視台主播余思敏註冊，阿Sa高興地說：「恭喜晒！祝佢幸福！佢依家唔同身份，係一位勝任嘅爸爸。（佢話想追多個。）好呀，我都未必生一個。」問到如何力追Ronald的「產」量？阿Sa說：「隨緣，等個天注定。（羨慕佢？）呢個時候我仲未適合。」但之後阿Sa又稱獲母親勉勵：「佢話生完身材會好咗，即代表我生完會有事業線。（有冇送禮物畀Ronald BB？）未呀，依家送覺得好尷尬，遲啲先。」
囡囡要減肥
另外，Ronald前晚出席電影活動時透露囡囡要減肥，又表示想追多個。他抵死地說：「因為太太開刀，最快要一年，一年後即開佢波。（想生仔？）冇所謂。」Ronald還展示手上的結婚戒指，他說：「七月二十二日喺屋企註冊，等BB識行先補擺酒。」
文：音樂組