超雲扯火：肥啲唔代表有咗

「雲山戀」公開後一直成為傳媒焦點，超雲與山聰亦愛得甜蜜，雙雙發福，搞到超雲被傳有B。昨日凌晨超雲更上載與山聰外遊時在泳池邊的頭貼頭合照，並給山聰留言說好想再去一次，山聰即送上兩個微笑公仔來回應。

超雲與山聰打得火熱，身為母親的三太陳婉珍昨日出席慈善活動時，首度開腔大談對山聰印象，她謂：「接觸過冇問題，了解就要以年計數，暫時OK嘅。」三太稱山聰第一個給她印象是好高身形男仔。問到山聰可有送禮？她表示收到冰皮月餅，並已預埋山聰在中秋一齊食過節飯。

超雲與陳山聰外遊時在泳池邊頭貼頭合照。

三太陳婉珍以「暫時ＯＫ」來形容陳山聰。

意外有喜願湊孫

對於有傳陳山聰住的陽明山莊是何家？陳婉珍表示她名下沒有陽明山莊物業。對於男方經濟不及女方？她謂：「睇佢哋信心啦，如果一個人有上進心，我都唔介意佢有錢定冇錢。（何生有冇催超雲結婚？）佢個個都有催。」對山聰曾離婚，陳婉珍則體諒說：「婚姻生活唔好，離婚唔係一個人嘅錯，如果唔開心，夾硬一齊都冇用。」可想山聰做何家女婿時，陳婉珍即「嘩」一聲說：「未諗咁遠。超雲都話佢仲細，依家梗係鍾意，但唔知以後。」

講到兩人愛得癡纏，可提醒「安全」至上？陳婉珍坦言：「如果一開始就講呢啲，佢就唔會再講嘢你知，所以要有接納的心。」講到之前有傳超雲和山聰外遊時同房，若然超雲搞出「人命」可會讓她生B？陳婉珍坦言不知點答，然後深呼吸一下才說：「如果真係咁唔好彩，唔懂得保護自己有咗BB，我都會幫手湊。」有指三太公司旗下使用的某型號直升機在全球屢生意外一事，三太則不作回應。

不滿媽咪被圍攻

三太陳婉珍接受山聰之餘，亦不抗拒早當外婆，不過昨日超雲接受記者電話訪問則相當勞氣，不滿母親被記者「圍攻」，指個別傳媒欠道德操守，問一些無謂和尖酸刻薄嘅問題，令她感到不開心。而超雲稱在母親出席活動前，已叫她盡量不要回答有關她的私人事，超雲不禁說：「下次我會陪媽咪出席活動，有乜就問我，唔好問媽咪，但我唔會多講私人感情嘅問題。」

超雲更激氣說：「唔明點解叫媽咪叫我小心啲，小心係乜嘢意思？我都拍過幾次拖，同媽咪有默契，我知道應該點樣做，又問同房，又話肥咗係咪有咗？肥啲唔代表有咗，點解係瘦先好，骨巉巉先靚？肥啲唔可以靚咩？」至於與山聰的感情，超雲即平復心情說：「好好，私隱嘅問題唔想多講啦。」　　 文：音樂組