謝婷婷願望成真一家撐枱腳

謝婷婷昨日出席ICE Watch新店開幕，大會安排了一名赤裸上身、並畫上了生日蛋糕的男模特兒為她慶祝。問到她如何慶祝生日？她表示因要通宵拍劇，故前日已與家人慶祝：「多過十二年冇一齊過，真係好開心。（收到咩禮物？）哥哥（謝霆鋒）送咗部電視畀我，佢叫我去揀。媽媽用中文寫咗張生日卡畀我，讀畀我聽，等我學中文。爸爸送咗個人畀我。有爸爸喺度，全程講笑，好開心。（佢哋心情好番啲？）我唔覺得佢哋有咩大轉變，哥哥都好開心。」她笑言已實現了自己的生日願望，就是一家人一起吃飯，假若兩名姨甥同場便更好。當記者提到Lucas被本報拍得於校車上撩外籍女同學傾偈，她即笑言：「識多個朋友梗係好！」