彭慧中行路返學 實踐低碳生活
曾於英國讀書的前港姐彭慧中，環保意識很高，她除了有收集膠水樽、環保紙外，還堅持行路返學來實踐低碳生活，認真有heart。
外國一直流行環保行動，故「鬼妹仔」彭慧中在英國讀書時，已養成將膠樽儲起，再拿去分類回收桶之習慣，直至她回香港生活，仍保持這個習慣。她說：「樽裝飲品好多人飲，如果個個都唔做垃圾分類，咁積少成多，對環保就會造成好嚴重嘅影響。記得讀書時要影印好多notes，我會堅持一張紙兩面用，平時我仲會儲起啲環保紙，有同學要影印就攞出畀佢哋用。（外國咁多人揸車，汽油都消耗唔少，你做咁多環保嘅事，覺唔覺算係一個平衡？）我住嘅地方距離學校成四十五分鐘路程，都幾遠，但我就堅持行路唔揸車，一來行路對身體有益，二來都算係低碳生活，為環保出一分力。」