歌神許冠傑榮升爺爺！許冠傑大仔許懷欣（Ryan）的外籍太太上周一開刀剖腹誕下孖仔，並取名為Julian和Oliver。Ryan接受電話訪問時表示母子平安，他說：「大仔重5磅，細仔重4.5磅，雖然輕咗啲，但好健康。我當時都有入產房剪臍帶，我哋一見到佢哋即刻喊咗出嚟，好開心有自己嘅BB。大仔似太太，細仔就似我多啲（有冇影相同拍DV？）有影相但冇拍DV，想享受一下BB出世嘅一刻。」
Ryan表示爸爸許冠傑送花，媽媽則日日煲粥給太太。他笑謂正跟曾當護士的太太學湊BB，現在已學識換尿片。