莫文蔚10.1意國嫁德

莫文蔚（Karen）父親莫天賜昨日舉行新書《莫文蔚嫁妝湯譜》暨《推背圖及著名中臺港澳預言大全》記者會，身為愛女的Karen雖然忙於籌備婚禮，但百忙中抽空出席，問到待嫁心情？Karen說：「興奮。」並大方透露十月一日在意大行結婚，Karen說：「依家決定十月一日。（日子係爸爸擇？）有問過佢。」

嗲老公煲湯

對於父親特別為她籌備嫁妝湯譜，Karen笑言：「我會叫未婚夫煲湯畀我飲，因為本書有中英對照，佢冇藉口唔煲！」Karen表示日前見街的婚紗照是為雜誌拍攝：「傳統婚紗照十分老土，等結婚當日補拍啦。」莫家亦大方發放一張一家四口與準女婿Johannes的「全家福」，場面十分溫馨。

莫文蔚一家四口和未婚夫（左二）「全家福」溫馨滿瀉。

Karen父母為女兒找到幸福大感欣慰。

外父讚女婿

莫爸爸透露和太太準備大量嫁妝送給Karen，問到會否捨不得愛女？他說：「冇嘢嘅，女大不中留，喜慶事嘛，我曾經同個女講過，無論佢將來拍拖定結婚，得唔到我祝福唔會有好結果！」至於可測過未來女婿？莫爸爸有信心地說：「唔使，大家見過一、二次，同埋我觀人於微，總之合格啦！」

採訪：音樂組