容祖兒摸黑獻唱唔怕被博懵
樂壇天后容祖兒、盧凱彤等前晚為《暗中作樂》慈善音樂會表演，祖兒首次摸黑在觀眾身旁獻唱，在沒有舞台、沒有歌詞的情況下，祖兒以簡單便服及波鞋上陣。祖兒說：「完全黑麻麻睇唔到嘢，好彩有失明人士做領航員，當時真係覺得佢係我嘅英雄！（有冇人摸你？）冇，入場全部都係善心人士，大家都係好人。」
祖兒笑言首次毋須穿高踭鞋開騷，格外輕鬆。她說：「睇番啲片自己嘅動作比平時放大二十倍，平時上台點都有啲拘謹、有啲怕醜，今次我直情喺入面抓痕，又成個人癱喺張長櫈度，勁舒服。」祖兒笑言會叫身邊的歌手朋友下年參與：「人人都可以叫，不過一定唔可以叫陳奕迅，佢會無啦啦瞓着覺，一陣輪到佢唱又叫唔醒佢，傳出鼻鼾聲就弊！」
