薛凱琪任方大同又拖又抱
方大同前晚舉行演唱會，除了吸引一眾歌手到場支持外，緋聞女友薛凱琪及房祖名亦有捧場，令緋聞三角再次出現。薛凱琪在台上更不避嫌與大同拖手兼擁抱，無懼一齊睇騷的祖名呷醋。
方大同前晚為一連三場的演唱會揭開序幕，吸引周柏豪、楊愛瑾及吳雨霏等歌手到場支持。而緋聞三角另外兩位主角薛凱琪（Fiona）及房祖名亦有捧場，兩人更並肩而坐。
抱怨冇時間講電話
穿上背心裙的Fiona除撐場外，更擔任嘉賓，與大同合唱《四人遊》，唱畢後又不避嫌與大同多次握手及擁抱，但她抱怨說：「呢幾個月作為大同嘅朋友覺得好悶，因為每次打畀佢都練緊結他，到佢練完，佢又話要早啲瞓先可以迎接第二日工作，但聽到佢嘅歌同演唱會好幸福。」Fiona與房祖名都聽得非常投入，女方更不時以手機為大同影相。
訪問時，大同表示當晚表現值八十分，自言帶了八支結他，差不多傾盡所有，在旁的Fiona笑言：「八個老婆出晒嚟！（咁你呢？）我係佢賓妹。」擔任嘉賓的Fiona本應於後台等候，但她表示不想錯過任何一部分，故在觀眾席及後台兩邊走。問Fiona與房祖名是否相約而來？她說：「佢自己嚟，冇約到，都唔知佢今日（前晚）睇。（坐隔籬？）大家friend嚟o架嘛，又係藝人。」
文：音樂組