貝安琪有米男友阿媽鍾意

貝安琪、大陸模特兒徐靖雯及新鴻基地產代理租務部總經理馮秀炎，昨日出席apm「潮夏海底藝術宮殿」活動，推廣海洋保育的重要，兩人均春風滿面，原來感情生活各自各精彩，徐靖雯早前與追求者到海洋公園遊玩，而貝安琪亦大方公開戀情。

尹子維戥開心

安琪甜絲絲表示：「依家拍緊拖，今年開始，對方係中國人，做生意，（過咗試用期未，有冇諗住結婚？）冇諗，仲係蜜月緊，我同佢識咗好耐，係青梅竹馬，（媽咪對佢印象點？）媽咪都識佢，仲好鍾意佢添！（閃電結婚？）唔知，應該唔會。」曾經與尹子維夜蒲激吻的她，被問到是否與尹子維劃清界線時，她大聲「吓」了一聲，表示尹子維也知道她拍拖，更戥她開心。另外，向來喜愛水上活動的她，對於自己身材感滿意，更試過在德國友人家裸泳，但不敢在沙灘嘗試。

尹子維	貝安琪（右起）、馮秀炎與徐靖雯（左）齊推廣海洋保育。

徐靖雯冇整過

而徐靖雯則謂有留意動漫節的o靚模，大讚她們可愛，笑言她們常互數對方整容而覺好搞笑，自己對整容之風亦大表反對，她說：「個個整到眼鼻一模一樣，冇咗自己特點，我覺得天然好啲。我問過一些男生，大部分人都鍾意女仔自然，我從來冇諗過整容，因為我初入行時，風氣比較保守。（覺得邊個o靚模係整容？）好多都有整，但我同佢哋唔熟。」

文：名人組