Amanda S.九月新娘 Lisa S.授秘笈

籌備超過一年、投資超過三百萬元的「petite amanda」餅店，終於在兩星期前於中環ifc開業，由零開始一手孕育餅店的Amanda，為這個心肝寶貝可謂筋疲力盡。明顯一臉倦容的Amanda，雖然聘了店員看舖，但由於人客絡繹不絕，故訪問期間她也抽身招呼客人。

Amanda婚禮籌備工作交由未婚夫Christian全權負責。（資料圖片）	餅店開業，下月披嫁衣，Amanda事業愛情兩得意。	Lisa S.（左）專誠到Amanda投資超過三百萬元的餅店捧場。

工作朝五晚九

自言現在的生活模式變為朝五晚九的Amanda說：「生意好好，運作好暢順，好多朋友都嚟試，不過我問咗好多人意見，大家嘅口味同意見都好唔同，有啲話好好味，但有啲話好甜或唔夠甜。」如Amanda之前所言，九月的婚禮全交由未婚夫Christian全權負責，所以她說自己現在未有為婚禮有特別準備。

昨日專程捧場的Lisa S.，除了一嘗好姊妹的蛋糕外，更即場向對方教路，說禮服及攝影師是兩大要點，Lisa說：「其實結婚當日好多細節之後一定唔記得，所以最緊要有條靚裙同好嘅攝影師，啲相可以留畀兒孫睇，留下美好回憶！」

搞網上化妝品

有意創業的Lisa，喜見Amanda成功開設餅店十分羨慕，她說：「因為model轉型唔容易，所以好戥佢開心，我依家初步構思搞網上化妝品生意，因為已經有投資者，所以我唔使出錢，只需要付出時間就可以。其實以前喺美國都開過時裝店，但最後蝕本收場，所以我見Amanda咁成功，特登嚟同佢取經，哈！」

採訪：名人組