梁漢文無懼「地震」搵定律師開騷

梁漢文（Edmond）昨日到銅鑼灣出席活動，對於其唱片公司金牌大風發生大地震，包括今年二月時傾他續約的CEO陳輝虹已離職，屬「西環尾」的他直言唔知公司大地震，至於陳輝虹離職前數小時才有高層通知他。他又表示不知公司只走剩他跟張繼聰及小肥兩位歌手，亦未有聽聞宣傳人員離職。

由出道加盟華星開始至今的十多年間，Edmond經歷多次改朝換代，他有信心能適應今次的轉變。問他可有被輝虹「賣豬仔」的感覺？他覺得不可用此言詞，因為他收了續會費，但如雙方沒有合約，只講義氣則作別論。

有謂今次大地震對他影響最大，他反問：「點解呀？（因為你係一哥？）OK啦。」問他可擔心會影響他明年一月的紅館演唱會？Edmond安撫大家說：「你『啦』我定，我已經搵咗律師簽約，只欠細則，一定冇影響。」

目前，令Edmond最憂心是其新歌《一再問究竟》已派台，兼且口碑不錯，是他今年最有信心的歌曲，如歌曲的宣傳受大地震影響，他就會不開心，為穩陣計，稍後他會親自致電公司了解詳情。

文：音樂組