羅仲謙再發育露三點
佘詩曼、羅仲謙、傅嘉莉、楊梓瑤及莊思敏昨日到旺角為電影《人約離婚後》謝票，向觀眾派海報，但一度因逼爆通道令市民鼓譟。謙仔表示新片反應理想證明他非票房毒藥，問到下部戲會否繼續露肉？他說：「露兩點OK，第三點唔露得住。（即係遲啲可以露？）等成熟啲先。（邊度？）有得再發育都OK，我係話演技成熟呀！」
至於阿佘表示票房直逼五百萬，令她大感雀躍，並指導演葉念琛邀她再合作，但因要到內地拍劇，故仍在考慮：「九月返內地拍劇，一部時裝一部古裝，仲諗緊接邊部，會留到過埋年。（同無綫完約機會多咗？）差唔多，但時間易控制啲。」
