古巨基揸弗搵Mani談情
古巨基國語專輯大賣逾30萬張，昨日他舉行簽唱會及祝捷會，現場亦播放其執導MV，他表示做導演拍MV拍上癮，更奢想請英皇高層霍汶希（Mani）當女主角演繹愛情故事！
古巨基昨日現身apm舉行簽唱會及祝捷會，慶祝國語專輯《大時代》全亞洲銷量超越30萬張，現場獲香港唱片商會頒發十白金唱片牌匾，英皇高層吳雨及Mani亦現身撐場，吳雨更送上爆穀，寓意基仔繼續人氣爆燈。基仔為唱片銷量感到開心，而且碟中較少愛情歌曲，以紀錄時代為主，他做了很多資料搜集及花了不少心血。
甘做零酬導演
現場亦播放由基仔做導演的《窮我一生》MV，基仔表示現在有幾重身份，既是幕前亦是幕後，問到是否有幾份人工？他即否認道：「唔係，我冇收導演費！之後會繼續自己拍MV，拍開有條癮，啱Feel啲！」基仔笑言有時會有親熱戲，問到會否有人呷醋？他說：「我係歌手又係演員，冇人會呷醋嘅！（自己揀女角？）鍾意揀邊個就邊個，導演話晒事！」
怕濕「收」手
至於最想找哪位當女主角？基仔直言想找公司高層Mani，不過對方未有答應，最好可以一齊拍愛情故事。提到Mani酬勞很貴？他說：「我有睇佢出道拍嘅MV，呢個都係我想搵佢嘅原因，做公司嘢佢唔會收好貴，好似我咁都冇收導演費！」記者笑言Mani是否怕他手汗多？基仔隨即表示：「冇親熱拖手戲咪得囉！」
採訪：音樂組