許穎齋bra打碟捽到失暈
o靚模許穎（Phoebe）前晚到夜場打碟，不忘單打死敵Jeana（何佩瑜），明寸對方胸部反地心吸力，不過又偷了Jeana玩大富翁露點橋，捽碟期間露乳暈，實行人「暈」亦「暈」。o靚模「阿旦」鄧伊玲昨日則接力，聲稱上網搜尋「Jeana+整容」，找到無數嚇人相云云。
Phoebe前晚以女僕造型，率領三位師妹到灣仔夜場打碟，打碟期間，Phoebe除下女僕服，只以白色bra及超短牛仔褲上陣，不停搔首弄姿，舔唇咬唇，更疑似不慎露暈，引死現場宅男fans。
今入場唔怕被趕
Phoebe聞悉Jeana寸她面皮厚到動漫節踩場，即時扯火說：「又係佢！成日講我，我宣傳自己產品唔得呀！聽日（即今日）我以電台嘉賓身份正式入場添呀！（你趕都唔走？）我冇被趕，係太多人走唔到咋！」對於「爆E超蓮」Iris踢爆Jeana整容，Phoebe順勢踩多腳：「佢個胸明顯唔自然，瞓落地下反地心吸力，正常人唔會咁，佢係硬，我係軟！（你覺得佢有整？）眼睇係，但我冇證實過。（你有冇整？）我只會做『外敷』，我唔抗拒打botox。」
另一o靚模「阿旦」鄧伊玲昨日以貂蟬造型現身動漫節，聲沙沙的她亦追剿Jeana說：「我撐Iris，整咗唔怕認，我唔歧視整容，莊思敏整過，大家都好接受。但我睇Jeana啲相真係女大十八變，唔認得佢囉！平時佢言論咁大膽，依家又唔正面回應，應該有啲嘢。（你覺得佢整咗咩？）胸有冇整唔肯定，但個樣太明顯，你上網search佢個名加整容，就有好多嚇人相彈出嚟，驟眼睇唔似，睇真啲又似喎。佢寸嘴前應諗一諗，被人捉到話柄就唔好。」
莊思明昨日出席《學界軟式排球邀請賽》活動，亦慨嘆Jeana今非昔比，她說：「大約四年前做model識佢，嗰時佢叫Pooh，（佢個樣同身材唔同咗？）起碼我仲認得佢，即係個樣變化不大，身材不便評論，最大分別係佢講嘢，可能係佢嘅生存方式，（佢話曾想選港姐？）但我又聽過佢想做空姐喎！不過佢咁出名，唔需要啦！」
自認以前個樣怪
此外，Phoebe昨日接受電話訪問，對網上流傳她的舊照，並指她整容，她說：「啲相係我嚟，但我冇整容，嗰時我中一、二仲係肥妹仔，包包面啫！（你中二有咁高？仲紋身？）係呀！紋咗可以搵襪遮啫！我都覺以前個樣怪，係化妝問題囉，依家轉新公司，好好多啦！」
Jeana成眾矢之的，但英超球星里奧費迪南則唱反調，在微博上載Jeana及Hidy拎着其簽名球衣的靚相，呼籲網友參加他的問答遊戲。
文：影視組