龔嘉欣做「繼母」同詩韻啱傾
馬浚偉、馬國明、李詩韻、龔嘉欣、姚子羚等，昨日現身荷里活廣場，宣傳新劇《紫禁驚雷》。身為鄧健泓舊愛新歡的李詩韻、龔嘉欣同場碰頭，均表示不覺尷尬，詩韻說：「我同嘉欣成日傾狗經，以前我養嗰兩隻狗，依家交畀佢哋照顧，好多謝佢哋好錫我兩個baby。」嘉欣則說：「我有敏感架，但都好錫兩隻狗，佢哋好黐我、成日舔我。」
姚子羚回饋觀眾
此外，談到o靚模Jeana上無綫節目疑似露點，馬國明說：「咁犀利？但o靚模我只認得周秀娜。（想唔想認識o靚模？）都想，但我怕唔認得。」
姚子羚則承諾新劇收視理想會回饋觀眾，她說：「詩韻肯泳衣慶功嘅話，我就照跟，而且唔會一件頭或者加tee喺面！」
文：影視組