高海寧默默支持唔敢問
「咪神」高海寧繼父被傳捲入海關掃蕩翻版貨案件，剛返港的她坦言擔心繼父被起訴，現把一切交由律師處理。顧及繼父感受的她，只會默默作支持，不多過問繼父的事情。
昨日高海寧與模特兒戴庚玲（Janine）、「林峯堂妹」林夏薇、Ana R.等，現身銅鑼灣鬧市出席眼鏡活動，她們均穿上清涼的夏裝，其中以Ana R.最為性感，現場吸引大批年輕人圍觀及拍照，擠得水洩不通。
驚後父被起訴
高海寧被問及繼父傳捲入海關掃蕩翻版貨案件一事，她說：「發生嗰日就係我出發去珠海拍特輯嗰日，我一路都有同父母保持聯絡。呢段期間都冇記者騷擾我爸爸、媽媽，好多謝大家關心。依家已經將所有嘢交畀律師處理。（擔唔擔心後父被起訴？）都驚呀。」
「唔會逼佢講」
問及其後父的心情？高海寧說：「佢有少少唔開心，不過佢唔想我哋擔心，同我哋講冇事，我哋都唔會逼佢講呢啲事。（減少接外地工作？）有同佢講過，佢唔想影響我工作。」問高海寧何不在炎熱的天氣穿泳裝行騷？她說服飾由大會安排，笑言若自己身形fit，並不介意在鬧市泳衣上陣。
文：名人組