Uny趙碩之追殺Jeana露點醜怪
同屬寫真兵團的趙哲妤和趙碩之，昨日同場出席活動。席間「雙趙」唱雙簧狂寸「不倒胸」何佩瑜（Jeana），碩之直斥她露點醜怪，哲妤則暗寸她冇內涵兼四面樹敵！
寫真「胸軍」趙哲妤（Uny）、趙碩之及前Freeze成員陳樂榣等昨日到荃灣出席飲食網站開幕活動，席間Uny姍姍來遲，惹來「踩場」疑雲，但她解釋是大會臨時邀請。
好似「飛機書」
Uny大讚碩之和藹可親，當被追問誰不友善時即寸爆說：「最多敵人好似係Jeana，佢之前仲話唔知我乜水，可能佢連『趙哲妤』三個字都唔識寫啦，咁難！（暗寸Jeana『冇墨水』？）唔好咁講，但我暫時未發掘到佢有內涵嘅一面！」
至於趙碩之否認寫真集過激，亦不會如許穎般露毛：「攝影師米原康正級數咁勁，預咗效果會爆！」並表示不介意遭黃榕拉落水扮『熟』。對於Jeana在節目上露點，她說：「我不嬲『塞滿晒』，依家考慮打底！（佢咁樣好醜怪？）梗係啦！第時做咗嫲嫲點同個孫講！」而陳樂榣直斥o靚模一年比一年瘋狂：「本本都好似『飛機書』，好彩我淡出咗，依家好恐怖！」
不屑一元速銷
此外，Uny前晚舉行簽書會，獲區文詩及黃榕撐場。Uny透露寫真在名人趙世曾大宅取景，令她「升呢」為一日女主人。對於Jeana以一元速銷寫真集，她強調不會效法：「好多人改稱o靚模做『慾』模，所以我出席活動都唔會太性感。」
文：影視組