楊汀叮拒拍散拖唔啱即走

Angelababy師妹楊汀叮外表嬌滴滴,是不少男士心目中的標準女友類型,有指近日一位富二代向她展開熱烈追求,甘願做柴可夫「司機」,還不時派人送上窩心的燕窩做補品。昨日汀叮被問到戀情,她否認拍拖,但承認:「係有個男仔追緊我,感覺佢好君子,大家觀察當中,自己性格慢熱,想集中模特兒工作,唔想講太多感情事。」問到對方是否富二代?她則不作正面回應。

問汀叮是否可以為愛情犧牲事業?她說:「我會好尊重身邊人,但我又好鍾意依家做緊嘅工作,女人唔可以唔做嘢;我對感情好理智,從來唔會拍散拖,但如果感覺大家唔啱,我會即時斬纜。」她自爆曾經與一個在北京讀書的男子拍拖,雖然對方較她年長,但有感對方思想不成熟而分手,故經此一役,她絕對清楚自己不能夠接受姊弟戀。

場地:Misto