黃宗澤酬金落訂80萬氹杏兒

黃宗澤（Bosco）昨日與陳法拉一起為平治新車發布儀式擔任揭幕嘉賓，Bosco自爆他是受命於女友胡杏兒來睇車的，兩人看中了價值近八十萬元的全新SLK系列跑車。他說：「佢今日要開工，佢叫我嚟望吓架車係咪真係咁靚，準備訂。（你送畀佢？）佢賺咁多錢唔使我送啦！（有冇Discount？）未傾，希望有啦，我頭先都講笑話唔使出糧畀我，落咗訂先，出車先，可以快啲有。（係咪你哋嘅情侶車？）唔係，佢本身都鍾意車。」

開篷車唔怕偷拍

問到Bosco可會因曾被偷拍全裸照而怕了開篷跑車，他即自嘲說：「呢架車個天窗可變成黑色，假日都可以開篷一下。（唔驚影到你唔着衫？）無端端唔會唔着衫，其實男人可以容許上身唔着衫，我都試過喺沙灘游完水之後冇換好衫就跳上車，有着泳褲嘅。」他又表示即使自己在家中客廳也不會不穿衣服或換衫，上次被偷影是在睡房中，至於現在是否仍會在睡房中赤裸，他說：「依家會拉番窗簾先。」

黃宗澤不諱言幫杏兒睇車，仲笑稱會將是日酬金作落訂之用。

胡杏兒

法拉駕車享自由

另外，陳法拉透露前年買了一部名車給媽咪，那是她賺到錢買的第一部車，她亦有意買車送給自己，她說：「唔使男朋友送，我自己都買得起。我鍾意兩門嘅細車款，方便泊車，覺得兩人座位已經夠，我好享受揸車時嘅自由同私人空間，因為由助手接送，傾嘢都唔方便。」

文：名人組