涼透肩料
夏天殺到，為求踢走悶熱，有透心涼感覺，性感在所難免，但有時未必要下下高調地騷事業線，反而低調地「膊一膊」更來得神秘吸引。今期最流行的，非tube dress與tube top莫屬，一眾女星肆無忌憚地露香肩，要講到今期之冠，星級形象指導郭慶彬勁讚準新娘莫文蔚得到人衫合一的最高境界。
莫文蔚
款式好靚，加埋佢黃金比例，無敵絕配，加埋華麗妝容與野性曲髮，就算身無鑽飾，都能着出人衫合一感覺。
港姐陳庭欣
款式好靚，加埋佢黃金比例，無敵絕配，加埋華麗妝容與野性曲髮，就算身無鑽飾，都能着出人衫合一感覺。
港姐張秀文
裙款老土兼過時，又襯對大圈耳環兼加埋「阿媽嫁女」髮型，還腳踏斯文款高跟鞋，由頭錯到落腳。
Angelababy
由於個子不高，感覺論盡，着唔出飄逸優雅的美感之餘，亦過於成熟，有種刻意扮熟女，太造作。
熊黛林
簡單設計騷出她的線條美，感覺又清雅高貴，奈何髮型成熟，如果將長曲髮放下，效果會更佳。
賈曉晨
襯錯高跟鞋，本來改襯簡單open toe或pumps就可以補救，奈何又手多錯配水晶頭飾，娘味十足，如果是all back髮型，就更加青春。
張靜初
貼身拖尾款式完全騷到佢玲瓏曲線美，如果簡單梳起馬尾，更加凸顯她的性感肩位與感性鎖骨。
Jessica C.
裙款的輪廓簡潔，身上又有立體剪裁花花，髮型化妝都配合好好，由頭到尾無出事位，好girly感覺。
楊洛婷
完全揀錯裙，她屬肉底型，裙款太複雜只會令她感覺偏肥，就算黑色都修飾唔到身段，而髮型老餅兼太過濃妝，錯上加錯。
星級形象指導郭慶彬（Ricky）至今為一眾女星裝身扮靚，包括有李冰冰、吳君如、張惠妹以及Twins等等。他有自我一套的審美標準，眼光獨到，而且曾經到巴黎時裝周睇騷，包括有Chanel、Valentino、Lanvin，以及Jean Paul Gaultier等等。早前更為中國時尚節目《美麗俏佳人》擔任嘉賓主持。